शनिवार, मंसिर १३ २०७७Nov 28 2020
  • शनिवार, मंसिर १३ २०७७
images

मैत्रीपूर्ण फुटबल खेलेर नेपाली टोली फर्किए

मैत्रीपूर्ण फुटबल खेलेर नेपाली टोली फर्किए

images
  • बिहिवार, मंसिर ४ २०७७

  • 1.1K
    SHARES

  • मैत्रीपूर्ण फुटबल खेलेर नेपाली टोली फर्किए

    काठमाडौं, ४ मंसिर । बंगलादेशसंग दुईवटा अन्तर्राष्ट्रिय मैत्रीपूर्ण खेल खेलेर नेपाली राष्ट्रिय फुटबल टिम बिहीबार स्वदेश फर्केको छ ।

    नेपालले मुजिब बोर्सो फिफा अन्तर्राष्ट्रिय सिरिज अन्तर्गत बंगलादेशसंग ढाकामा दुई मैत्रीपूर्ण खेल खेलेको थियो ।

    एन्फा उपाध्यक्ष शिक्षित पराजुलीले त्रिभुवन अन्तर्राष्ट्रिय विमानस्थलमा नेपाली टोली र अफिसियलहरुलाई स्वागत गरेका छन ।

    नेपालले बंगलादेशमा खेलेका दुई खेलमध्ये पहिलोमा हार ब्यहोर्‍यो भने अर्को खेललाई बराबरीमा रोकेको थियो । दुई खेलेको श्रृङ्खला बंगलादेशले १-० ले आफ्नो पक्षमा पार्दै ट्रफी भने घरमै राख्‍यो । पहिलो खेलमा नेपाल २-० ले पराजित भएको थियो भने दोस्रो खेल गोलरहित बराबरीमा सकिएको थियो ।

    कोरोनाभाइरस महामारीले गर्दा गत चैतदेखि फुटबल खेल्न नपाएको नेपालले सात महिनापछि मैत्रीपूर्ण खेल खेलेको हो ।

    बंगलादेशमा भएको मैत्रीपूर्ण खेलमार्फत ६ युवा खेलाडीले राष्ट्रिय टिममा डेब्यु गर्ने अवसर पाए । पहिलो खेलमा डिफेण्डर विकास खवास, एरिक विष्ट र दर्शन गुरुङले डेब्यु गरे भने दोस्रो खेलमा छिरिङ गुरुङ, पुजन उपरकोटी र सेसेहाङ आङ्दम्बेले डेब्यु गरे ।

    बंगलादेश जानुअघि प्रशिक्षणका क्रममा ७ खेलाडीलाई कोरोना संक्रमण भएपछि यस पटक राष्ट्रिय टिममा ८ नयाँ खेलाडीले अवसर पाएका थिए । पहिलो पटक टिममा स्थान बनाएकामध्ये गोलकिपर दीप कार्की र डिफेण्डर दिलेन लोक्तानले भने मैदान प्रवेश गर्ने अवसर पाएनन् ।

    बंगलादेबाट फर्केका राष्ट्रिय टिमका खेलाडीहरु अब सातदोबाटोस्थित एन्फा कम्प्लेक्स होस्टलमा बस्ने एन्फाले जनाएको छ । बुधबार कोरोना संक्रमण पुष्टि भएका टिम म्यानेजर मधुसुदन उपाध्याय भने हाल बंगलादेशमै छन् र कोरोना नेगेटिभ आएपछि मात्र नेपाल फर्कनेछन् ।

    यस्तै गोलकिपर किरण चेम्जोङ भने बंगलादेशबाटै आई लिग खेल्नको लागि भारत प्रस्थान गरेका छन् । किरणले राउण्ड ग्लास पञ्जाबबाट नयाँ सिजनको आई लिग खेल्दैछन् ।

    नयाँ सिजनमा नेपालका अर्का खेलाडी अभिषेक रिजालले पनि मोहम्मेदन एफसी बाट खेल्दैछन् । मोहम्मेदन आईलिग क्वालिफायरको विजेता बन्दै छनोट भएको हो ।

    बिहिवार, मंसिर ४ २०७७०४:३७:२७
    सम्बन्धित समाचार

    Copyright © All right reserved to भैरवी मिडिया प्रा लि Site By: SobizTrend Technology