शनिवार, मंसिर १३ २०७७Nov 28 2020
  • शनिवार, मंसिर १३ २०७७
images

उदाउँदो सूर्यलाई अर्घ्य दिएर छठ पर्व समापन

उदाउँदो सूर्यलाई अर्घ्य दिएर छठ पर्व समापन

images
  • शनिवार, मंसिर ६ २०७७

  • 769
    SHARES

  • उदाउँदो सूर्यलाई अर्घ्य दिएर छठ पर्व समापन

    काठमाडौं, ६ मंसिर । आज कार्तिक शुक्ल सप्तमी, शनिबार । छठ पर्वको अन्तिम दिन । उदाउँदो सूर्यलाई अर्घ्य दिएर छठ पर्वको समापन गरिएको छ ।

    कार्तिक शुक्ल चतुर्थीदेखि सप्तमीसम्म मनाइने छठको आज अन्तिम दिन भएकाले उदाउँदो सूर्यलाई अर्घ्य चढाएर समापन गरिएको हो ।

    यस अवसरमा देशका विभिन्न क्षेत्रलगायत काठमाडौं उपत्यकाको बागमती किनारमा बनाइएको छठघाटमा सयौँको संख्यामा सहभागी भक्तजनहरुले उदाउँदो सूर्यलाई अर्घ्य दिएका छन ।

    यस अघि हिजो साँझ उखुको लाँक्रा र केराको घरीसहित पूजा सामग्री लिएर भक्तजनहरुले अस्ताउँदो सूर्यलाई नदी किनारमा अर्घ्य दिएका थिए । यसलगत्तै भक्तजनहरु रातभर जाग्राम बसेका थिए ।

    यो वर्ष कोरोना भाइरस संक्रमण जोखिमका कारण ठूलो संख्यामा मानिसहरु भेला नहुन सरकारले आग्रह गरेको थियो । छठ पर्व मनाएमा मनोकांक्षा पूरा हुने, छाला एवं आँखाका रोग नलाग्ने धार्मिक विश्वास छ ।

    छठ पर्वको पहिलो दिन स्नान गरी एक छाक खाएर बस्ने गरिन्छ । दोस्रो दिन कार्तिक शुक्ल पञ्चमीमा सखर हालेर बनाइएको खीर अर्थात खरना षष्ठी मातालाई चढाएर अलिकति व्रतालुले प्रसादस्वरुप खाने र नुन नखाएरै एक छाक फलाहार खान्छन ।

    यो पर्वको मुख्य दिन कार्तिक शुक्ल षष्ठीका दिन कठोर निराहार व्रत बसी बेलुकी अस्ताउँदो सूर्यलाई पूजा आराधना गरी अर्घ्य दिने विधिविधान छ ।

    षष्ठीका दिन रातभर जाग्राम बसी कात्तिक शुक्ल सप्तमी अर्थात आजका दिन बिहान उदाउँदो सूर्यलाई पूजा आराधना गरी विधिपूर्वक अर्घ्य दिएपछि यो पर्व समापन हुन्छ ।

     

    शनिवार, मंसिर ६ २०७७१२:१९:३०
    सम्बन्धित समाचार

    Copyright © All right reserved to भैरवी मिडिया प्रा लि Site By: SobizTrend Technology