बिहिवार, कार्तिक ६ २०७७Oct 22 2020
  • बिहिवार, कार्तिक ६ २०७७
images

रानीपोखरी मन्दिरमा ३२.७३ तोला सुनको गजूर

रानीपोखरी मन्दिरमा ३२.७३ तोला सुनको गजूर

images
  • बिहिवार, आश्विन १५ २०७७

  • 805
    SHARES

  • रानीपोखरी मन्दिरमा ३२.७३ तोला सुनको गजूर

    काठमाडौँ । रानीपोखरीको बिचमा रहेको विशेष महत्व राख्ने बालगोपालेश्वर मन्दिरमा गजूर राखिएको छ। झण्डै पाँच वर्षअघिको भूकम्पले भत्काएको मन्दिर पुनर्निर्माण सम्पन्न भएपछि बिहीबार बिहान विशेष पूजागरी गजूर राखिएको हो।

    तिहारका दिन विशेष महत्वकासाथ खुल्ने बालगोपालेश्वर मन्दिर पुनर्निर्माण भएसँगै आउँदो तिहारमा ५ वर्षपछि चहपलह हुने भएको छ। राष्ट्रिय पुनर्निर्माण प्राधिकरणका विज्ञ राजुमान मानन्धरले आउँदो तिहारमा दुई दिन मन्दिर खोल्ने बताए का छन। उनले भने, ‘तिहार एक दिन भए पनि मन्दिर दुई दिन खोल्ने चलन छ।’

    images
    images
    images

    २०७२ सालमा गएको भूकम्पले क्षति पुर्‍याएको मन्दिरको शिरमा गजुर सजिएको छ। मन्दिरको शिरमा सजाउन अघि गजुर दरबार हाईस्कुलमा राखिएको थियो।

    बिहीबार गजुर राख्ने साइत भएकाले बिहान स्कूलबाट करिब ८ बजेतिर गजूर बालगोपालेश्वर मन्दिर लगिएको हो। मन्दिरमा लगेको गजूरलाई सुरुमा पूजा गरियो। पूजा पश्चात मन्दिरको शिरमा गजूर सजाउन सुरु गरियो। करिब ३२.७३ तोला सुनबाट निर्मित १२३ किलोको गजूर मन्दिरको शिरमा सजाउन करिब १५ जना लागेका थिए।

    सजाउन १५ जना लागे पनि गजूर बनाउन २० दिन लागेको कालिगढ विनोद शाक्य (भीम) ले जानकारी दिएका छन। गजुर उनको निर्देशनमा करिब १७ जना कालिगढले २० घण्टा खटिएर २० दिनमा सम्पन्न गरेको उनले बताएका छन। ‘दिनरात गरी २० दिनमा गजूर बनायौँ’ उनले भने, ‘हामी १७ जनाले सिफ्ट अनुसार काम गर्थ्यौँ।’

    आफ्नो कला ऐतिहासिक सम्पदाको हिस्सा हुँदा गौरव महशुस भएको उनले बताएका छन। ‘राष्ट्रिय गौरव बोकेको ऐतिहासिक सम्पदाका लागि काम गर्न पाउँदा गौरवान्वित महशुस गरिरहेको छु। इतिहास बोकेको रानीपोखरीमा आफ्नो कला झल्किने कुराले खुशीको सिमान नै छैन र आफूलाई भाग्यमानी ठानेको पनि छु’ उनले भने।

    उनले आफूरुहले गुजरलाई कामका रुपमा नलिई गौरवका रुपमा लिएर बनाएको र त्यसका लागि ज्याला पनि नतोकेको बताएका छन। ‘हामीले ज्याला तोकका छैनौँ। ज्यालाका हिसाबले काम पनि गरेका होइनौँ’ उनले भने, ‘प्राधिकरणको विज्ञ टोलीको मूल्यांकन गरेको आधारमा ज्याला दिन्छ।’

    प्राधिकरणका विज्ञ मानन्धरले बालगोपालेश्वर मन्दिरमा गजूर राखिएपछि रानीपोखरीको काम सम्पन्न भएको बताएका छन। उनले अब सरसफाइ तथा फिनिसिङ लगायतको काम मात्र बाँकी रहेको बताएका छन।

    उनका अनुसार मन्दिरसँगै रानीपोखरीको पुनर्निर्माणको काम पनि सकिएको छ। लम्बाई १८० मिटर र चौडाई १४० मिटर रहेको रानीपोखरी ३ करोड २२ लाख लिटर पानीले भरिएको छ। 

    बिहिवार, आश्विन १५ २०७७०१:३२:११

    न्यूज विहानी

    सम्बन्धित समाचार

    Copyright © All right reserved to भैरवी मिडिया प्रा लि Site By: SobizTrend Technology