काठमाडौं,  मंसिर: बलिङ र ब्याटिङ दुवैमा उत्कृष्ट प्रदर्शन गर्दै सुदूरपश्चिम रोयल्सले नेपाल प्रिमियर लिग (एनपीएल) दोस्रो संस्करणमा विजयी सुरुआत गरेको छ। साविक उपविजेता सुदूरपश्चिमले दोस्रो खेलमै काठमान्डु गोर्खाजलाई २९ रनले पराजित गर्दै आफ्नो लय कायम राखेको हो। सुदूरपश्चिमले दिएको १४७ रनको लक्ष्य पछ्याएको काठमान्डु १६.५ ओभरमै सबै विकेट गुमाएर ११८ रनमा अलआउट भयो। काठमान्डुको लागि ओपनर आकाश त्रिपाठीले सर्वाधिक ३४ रन बनाए । 

सुदूरपश्चिमका हर्मित सिंहले अलराउण्ड प्रदर्शन गर्दै टीमको जित सुनिश्चित गरे। बलिङमा पनि सुदूरपश्चिमका स्कट कुगेलेइन, हेमन्त धामी र हर्मित सिंहले २-२ विकेट लिए भने इशान पाण्डे, नरेन साउद र अविनाश बोहराले समान एक/एक विकेट लिए। सुदूरपश्चिमले पहिले ब्याटिङ गर्दै कमजोर सुरुआत गरेको थियो, ४ रनमा ३ विकेट गुमाएको स्थिति पार गर्दै कप्तान दीपेन्द्र सिंह र हर्मित सिंहले निर्णायक इनिङ्स खेले। हर्मितले २० बलमा २ चौका र ६ छक्कासहित ५३ रन बनाए।  काठमान्डुका लागि करण केसीले सर्वाधिक ४ विकेट लिए भने सन्नी पटेल, मिलिन्द कुमार र रासिद खानले २-२ विकेट लिए। सुदूरपश्चिमको विजयी सुरुआतले यस सिजनको प्रतियोगितामा उच्च प्रतिस्पर्धात्मक वातावरण सिर्जना गरेको छ।