काठमाडौं, नेपाल – २३ अप्रिल २०२६ – रमादा बाई विन्धाम इटहरीले पृथ्वी दिवसको अवसरमा वृक्षारोपण कार्यक्रम आयोजना गर्दै वातावरणमैत्री पहललाई अर्थपूर्ण रूपमा अघि बढाएको छ। होटल परिसरमा आयोजित कार्यक्रममा कर्मचारी तथा स्थानीयको सहभागितामा बिरुवाहरू रोपिएको थियो। होटलमा प्रवेश गर्ने बित्तिकै आकर्षक रूपमा तयार गरिएको भर्टिकल गार्डेनले होटलको हरियाली र दिगोपनाप्रतिको प्रतिबद्धता झल्काउँदै अतिथिहरूलाई स्वागत गर्दछ। सामान्य रूपमा सुरु गरिएको यो प्रयास वातावरणप्रतिको साझा प्रतिबद्धतामा रूपान्तरण भएको थियो। 

होटलमा रोपिएका प्रत्येक बिरुवाले साना तर अर्थपूर्ण कदमहरूले दीर्घकालीन प्रभाव पार्न सक्छन् भन्ने विश्वासलाई प्रतिनिधित्व गरेको छ। यस पहलले जिम्मेवार हस्पिटालिटीप्रति होटलको निरन्तरको प्रतिबद्धतालाई प्रतिबिम्बित गर्दछ। रमादा बाई विन्धाम इटहरीले अतिथिको सुविधा र दिगोपनालाई सँगै अघि बढाउन सकिन्छ भन्ने कुरालाई प्राथमिकता दिँदै आएको छ। वातावरणमैत्री अभ्यासहरूमा लगानी गरेर होटलले वातावरणीय प्रभाव न्यूनिकरण गर्ने आफ्नो प्रतिबद्धतालाई थप मजबुत बनाउँदै दैनिक कार्यमा सचेत छनोटलाई प्रोत्साहित गरिरहेको छ।यो वृक्षारोपण कार्यक्रम केवल एक गतिविधि मात्र नभई एकता र साझा जिम्मेवारीको भावना विकास गर्ने अवसर बनेको थियो। 

कर्मचारी, व्यवस्थापन तथा शुभेच्छुकहरूले उत्साहका साथ सहभागिता जनाउँदै ग्रीन इटहरी निर्माणको साझा लक्ष्यतर्फ योगदान दिएका थिए। होटलले सामूहिक प्रयासबाट नै अर्थपूर्ण परिवर्तन सम्भव हुने विश्वास राख्दै प्रत्येक साना प्रयासले दिगो भविष्य निर्माणमा सहयोग पुर्‍याउने मान्यता राखेको छ। रमादा बाई विन्धाम इटहरीले यस पहललाई वातावरण संरक्षणतर्फको दीर्घकालीन यात्राको सुरुवातको रूपमा लिएको छ। होटलले आगामी दिनमा पनि यस्ता दिगो अभ्यासहरू अपनाउँदै जाने प्रतिबद्धता व्यक्त गर्दै अतिथि, साझेदार तथा समुदायलाई यस अभियानमा सहभागी हुन आह्वान गरेको छ, किनकि सहि उद्देश्य राखेर गरिएका कार्यहरू नै समयसँगै अर्थपूर्ण परिणाममा रूपान्तरण हुने गर्दछन्।

रमादा बाई विन्धाम इटहरीको बारेमा:
पूर्वी नेपालको व्यापारिक प्रवेशद्वारमा रणनीतिक रूपमा अवस्थित रमाडा बाइ विन्धाम इटहरीले उत्कृष्ट सेवा, अन्तर्राष्ट्रिय मापदण्ड र आधुनिक आकर्षणको संयोजन प्रस्तुत गर्दछ। ८१ वटा सुसज्जित कोठा तथा सुइटहरू रहेको यस होटलले व्यवसायिक तथा फुर्सदिला यात्रु दुवैका लागि सुविधाहरू प्रदान गर्दछ। होटलमा चार फरक स्वादका रेस्टुरेन्ट तथा लाउन्जहरू, NUA, सुत्र लाउन्ज, एरिया र सुक्र बार उपलब्ध छन्। साथै, बैंक्वेट हल, फराकिलो खुला बगैंचा, स्विमिङ पुल तथा आधुनिक फिटनेस सेन्टर जस्ता सुविधा पनि रहेका छन्। आर्थिक तथा पर्यटन गतिविधिले भरिएको क्षेत्रमा अवस्थित रमाडा बाई विन्धाम इटहरी पूर्वी नेपालमा उत्कृष्ट हस्पिटालिटी, कार्यक्रम आयोजना तथा विशेष अनुभवका लागि प्रमुख गन्तव्यका रूपमा स्थापित हुँदै आएको छ।